تازہ ترین

قائد حزب اختلاف شہباز شریف کو لندن روانگی سے روک دیا

لاہور ایئر پورٹ پر امیگریشن حکام نے مسلم لیگ ن کے صدر اور قائد حزب اختلاف شہباز شریف کو لندن روانگی سے روک دیا ہے۔ذرائع کے مطابق امیگریشن حکام نے شہباز شریف سے کہا کہ ہمارے سسٹم میں آپ ابھی تک بلیک لسٹ ہیں جس کے بعد نجی ایئر لائن نے شہباز شریف کو آف لوڈ کر دیا۔

شہباز شریف کا اس موقع پر کہنا تھا کہ لاہور ہائیکورٹ کا آرڈر ہے، ون ٹائم ٹریول کی اجازت دی گئی ہے۔ صدر مسلم لیگ ن نے ایئرپورٹ حکام کو عدالت کے احکامات بھی دکھائے۔

اس موقع پر مسلم لیگ ن کے رہنما عطا تارڑ نے ایف آئی اے حکام کو صورت حال سے آگاہ کیا اور عدالتی حکم نامہ بھی پڑھ کر سنایا۔

انہوں نے دعویٰ کیا کہ ایف آئی اے اہلکار عدالت میں موجود تھے، ایف آئی اے کوفیصلے کا معلوم تھا، اس بنیاد پر شہباز شریف کو روکا نہیں جاسکتا۔

دوری جانب مسلم لیگ ن کی ترجمان مریم اورنگزیب نے کہا ہے کہ ایف آئی اے عمران خان کے حکم پر توہین عدالت کررہی ہے، ایف آئی اے نے شہباز شریف کا نام ایک اور لسٹ میں داخل کر دیا ہے، سسٹم اپ ڈیٹ نہ ہونے کی بنیاد پر روکے جانا بدنیتی ہے۔


subscribe YT Channel


Source

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

ADVERTISEMENT
Back to top button